Yuxarı
    Bağlamaq

    İran LNG istehsalını iki dəfə artırmaq niyyətindədir

    Hazırda ölkədə ildə 8 mln. ton LNG istehsal olunur

    Bakı. 10 may. REPORT.AZ/ İranda "Cənubi Fars" qaz yatağının işlənməsi mərhələsi başa çatan kimi mayeləşdirilmiş təbii qazın (LNG) istehsal həcmi iki dəfə artırılacaq.

    "Report" xəbər verir ki, bu barədə İranın Milli Neft Şirkətinin (NİOC) rəhbərinin müavini Səfər Əli Kəramati İRNA agentliyinə bildirib.

    Onun sözlərinə görə, hazırda ölkədə ildə 8 mln. ton LNG istehsal olunur: "Bu həcmdən 3 mln. ton təbii qaz əldə edilir, 2,5 mln. ton neft-kimya qurğularında, qalanı isə müxtəlif emal zavodlarında istehsal olunur. Asiya ölkələri İran üçün ən vacib bazar hesab edilir".

    Şirkət nümayəndəsi əlavə edib ki, İran sanksiyalar dövründə də LNG bazarında öz payını itirməyib: "İndi isə sanksiyaların aradan qaldırılması bazar payının artırılmasına imkan yaradır".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi