Yuxarı

İran Azərbaycanla qaz mübadiləsinə dair müzakirələr aparacaq

Zanqane: Biz ikitərəfli görüşlərdə  Rusiya, Azərbaycan və Türkmənistan ilə qaz mübadiləsinə dair danışıqlar aparacağıq

Bakı. 18 noyabr. REPORT.AZ/ İran noyabrın 23-də keçiriləcək Qaz İxrac edən Ölkələrin Forumu (GECF, Gas Exporting Countries Forum) çərçivəsində Azərbaycan, Rusiya və Türkmənistan ilə qaz mübadiləsinə dair danışıqlar aparacaq. "Report" ISNA-ya istinadən xəbər verir ki, bu barədə İranın neft naziri Bican Zanqane bildirib.

“Baş tutacaq konfransda qaz layihələri ilə bağlı danışıqlar aparılmayacaq, çünki GECF üzvləri qaz bazarında öz aralarında rəqabət aparırlar. Biz ikitərəfli görüşlərdə Rusiya, Azərbaycan və Türkmənistan ilə qaz mübadiləsinə dair danışıqlar aparacağıq”, - Zanqane söyləyib.

Qaz İxrac edən Ölkələrin Forumu dünyada təbii qazın ixracı sahəsində lider ölkələri birləşdirir. GECF-in əsası 2001-ci ildə Tehranda qoyulub və rəsmi olaraq 23 dekabr 2008-ci ildə Moskvada iştirakçı dövlətlərin energetika nazirlərinin forumun nizamnaməsini qəbul edib hökumətlərarası saziş imzalamasıyla təsis edilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi