İlk yarımillikdə BTC ilə 13 mln. ton Azərbaycan nefti nəql olunub

İlk yarımillikdə BTC ilə 13 mln. ton Azərbaycan nefti nəql olunub İyun ayında BTC kəməri ilə 564,6 min ton Türkmənistan nefti nəql olunub
Energetika
5 İyul , 2017 10:53
İlk yarımillikdə BTC ilə 13 mln. ton Azərbaycan nefti nəql olunub

Bakı. 5 iyul. REPORT.AZ/ 2017-ci ilin iyun ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 212 764 ton Azərbaycan nefti nəql olunub.

“Report”un Azərbaycan Dövlət Neft Şirkətinə (SOCAR) istinadən verdiyi xəbərə görə, cari ilin yanvar-iyun aylarında bu kəmərlə 13 174 287 ton neft ötürülüb.

Ümumiyyətlə, kəmər istifadəyə verilən gündən (2006-cı il, iyun) 2017-ci il iyul ayının 1-dək BTC-yə 334 712 349 ton neft vurulub.

Bundan başqa, 2017-ci ilin iyun ayında BTC kəməri ilə 564 548 ton Türkmənistan nefti nəql olunub.

Qeyd edək ki, BTC boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. bareldir. 1 768 km uzunluğunda olan BTC boru kəməri 2006-cı ilin iyununda istismara verilib. Hazırda BTC boru kəməri əsasən Azərbaycandan “AÇG” nefti və "Şahdəniz" kondensatı daşıyır. Bundan əlavə, BTC vasitəsilə digər xam neft və kondensat həcmləri, o cümlədən tranzit nefti nəql olunur.

"BTC Co."-nun səhmdarları rolunda BP (30,10%), "AzBTC" (25,00%), "Chevron" (8,90%), "Statoil" (8,71%), TPAO (6,53%), "Eni" (5,00%), "Total" (5,00%), "Itochu" (3,40%), "Inpex" (2,50%), CIECO (2,50%) və "ONGC (BTC) Ltd." (2,36%) şirkətləri çıxış edir.

Son xəbərlər