Gələn il Azərbaycanda neft hasilatının həcminin artacağı gözlənilir

“Azərbaycanda neft hasilatının həcmi ilə bağlı proqnoz sabit qalmaqdadır”.

"Report" xəbər verir ki, bunu Yeni Azərbaycan Partiyasında (YAP) keçirilən mətbuat konfransında energetika naziri Pərviz Şahbazov bildirib.

O qeyd edib ki, bu il ölkədə 38 milyon ton neft hasil ediləcəyi, gələn il isə bu rəqəmin, təxminən, 1 milyon ton artacağı proqnozlaşdırılır.

“2020-2021-ci illərdə ölkədə neft hasilatının həcminin, təxminən, 39 milyon ton olacağı gözlənilir", - nazir deyib.