Fransada təbii qaz anbarlarının doluluq səviyyəsi 90%-i ötüb

Fransada bu ilin qışı üçün nəzərdə tutulmuş təbii qaz ehtiyatları 90,06%-ə çatıb.

“Report” xəbər verir ki, bu barədə “Lе Figaro” qəzeti Avropanın “Agregated Gas Storage Inventory” (AGSI) platformasına istinadən məlumat yayıb.

Məlumata görə, bununla Fransa enerji təchizatında potensial çətinlikləri aradan qaldırmaq üçün noyabr ayınadək anbarların doluluq səviyyəsini 100%-dək çatdırmaq hədəfinə bir qədər də yaxınlaşıb.