Ermənistan Azərbaycana məxsus enerji layihələrində iştirak edə bilər

"Azərbaycanla Ermənistanla arasında sülh müqaviləsi imzalandığı halda, qonşu ölkənin enerji layihələrimizdə iştirakını istisna etmək mümkün deyil".

Bunu "Report"a açıqlamasında energetika naziri Pərviz Şahbazov Ermənistanın Azərbaycana məxsus enerji layihələrində iştirak etməsi ehtimalına münasibət bildirərkən deyib.

"Azərbaycan həmişə regional əməkdaşlığın təşəbbüskarı olub", - deyə o qeyd edib.

Xatırladaq ki, bu ilin mart ayında Rusiya qazının Ermənistana tədarükü “Şimali Qafqaz-Zaqafqaziya” qaz boru kəmərinin (Rusiyadan Gürcüstan vasitəsi ilə Ermənistana qaz tədarükü üçün) təmiri ilə əlaqədar, müvəqqəti olaraq Azərbaycan ərazisindən həyata keçirilib.