Dünya bazarında neftin qiyməti cüzi artıb

Neftin qiymətində bu gün cüzi artım müşahidə olunub.

“Report” “Prime” agentliyinə istinadən xəbər verir ki, Bakı vaxtı ilə saat 09:11-də Şimal dənizində hasil olunan “Brent” neftinin iyun fyuçerslərinin qiyməti 0,13 faiz artaraq 67,03 ABŞ dollar səviyyəsində qərarlaşıb. WTI nefti isə 0,14 faiz bahalaşaraq bir bareli 63,55 dollara satılıb.

Məlumata görə, neftin bahalaşması Çindən gələn müsbət iqtisadi məlumatlar sayəsində baş verib. Belə ki, epidemioloji vəziyyətin yaxşılaşması və iqtisadiyyatın aktiv şəkildə bərpası fonunda Çinin ümumi daxili məhsulu 2021-ci ilin birinci rübündə ötən ilin eyni dövrü ilə müqayisədə 18,3 faiz artıb.