Çində tələblə bağlı narahatlıqlar fonunda neft ucuzlaşıb

Neftin qiyməti, təxminən, 2% düşüb.

“Report” birjalara istinadən xəbər verir ki, Şimal dənizində hasil olunan “Brent” neftinin fyuçersləri 1,49 dollar və ya 1,5 % ucuzlaşaraq 1 bareli 94,67 ABŞ dollarına satılıb. WTI neftinin fyuçerslərinin qiyməti 1,83 dollar və ya 2,0 % düşüb və 1 bareli 88,17 ABŞ dolları təşkil edib.

İnvestorlar qlobal resessiyanın xammala olan tələbatı kəskin azaldacağından ehtiyat edirlər. Bu narahatlıqlara Çin hakimiyyətinin koronavirusla bağlı siyasətindən, həmçinin ABŞ Federal Ehtiyat Sisteminin (FED) faiz dərəcələrini artırmasından qaynaqlanır.