Bakı. 23 may. REPORT.AZ/ “Çilov” yatağındakı 112 saylı özüldən 117 nömrəli quyuda qazma işlərinə başlanılıb.
“Report”un Azərbaycan Dövlət Neft Şirkətinə (SOCAR) istinadən verdiyi xəbərə görə, Kompleks Qazma İşləri Tresti tərəfindən Qala Lay Dəstəsinə qazılan quyunun layihə dərinliyi 1550 metrdir. Quyuda istismar işləri “Azneft” İB-nin “28 May” Neft və Qazçıxarma İdarəsi tərəfindən həyata keçiriləcək.