Yuxarı
    Bağlamaq

    Cənubi Qafqaz Boru Kəmərinin gündəlik ötürücülük gücü 7% artırılıb

    CQBK-nin gündəlik orta ötürücülük gücü təqribən 19,9 mln.kubmetr qaz olub

    Bakı. 21 fevral. REPORT.AZ/ Cənubi Qafqaz Boru Kəməri (CQBK) ilə bağlı fəaliyyətə 2016-cı il ərzində təqribən 27 mln. ABŞ dolları həcmində əməliyyat xərcləri və 974 mln. dollar əsaslı xərclər sərf edilib.

    Bu barədə “Report” “BP-Azerbaijan” şirkətinə istinadən xəbər verir.

    Hesabat ilində CQBK-nin gündəlik orta ötürücülük gücü təqribən 19,9 mln. kubmetr qaz olub ki, bu da 2015-ci ildən 7% çoxdur.

    Qeyd edək ki, bu boru kəməri 2006-cı ilin sonunda istismara verilib və Azərbaycan, Gürcüstan və Türkiyəyə “Şahdəniz” qazını çatdırır.

    CQBK-nın iki operatoru var – BP şirkəti CQBK obyektlərinin tikintisi və istismarı üzrə məsul texniki operator, SOCAR isə CQBK-nın kommersiya əməliyyatları üzrə məsul kommersiya operatorudur.

    CQBK-nin sərmayədarları qismində BP (28,8%), "AzSCP" (10%), "SGC Midstream" (6,7%), "Petronas" (15,5%), "LUKoil" (10%), NİCO (10%) və TPAO (19%) şirkətləri çıxış edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi