Yuxarı
    Bağlamaq

    “Caspian European Club”a sədr müavini təyin edilib

    Bakı. 13 iyul. REPORT.AZ/ Natalya Əliyeva “Caspian European Club”un sədrinin beynəlxalq informasiya layihələrin inkişafı üzrə müavini təyin edilib. 

    Klubdan “Report”a verilən məlumata görə, N.Əliyeva “Caspian Energy İnternational Media Group”un prezidenti və baş redaktorudur.

    Natalya Əliyeva 1973-cü il 27 mart tarixində Bakıda anadan olub. 1990-1995-ci illərdə Azərbaycan Dövlət Neft Akademiyasında mühəndis ixtisası üzrə təhsil alıb. 1994-cü ilin iyun ayında ANS teleradio yayım şirkətində ştatdankənar müxbiri vəzifəsində çalışıb.

    Həmin andan bu günə qədər Azərbaycanın neft-qaz strategiyasının, eyni zamanda yalnız Azərbaycan üçün deyil, həm də bütün region üçün əhəmiyyətli olan neft-qaz müqavilələrinin, o cümlədən, “Əsrin müqaviləsi” və “Şahdəniz” müqaviləsinin həyata keçirilməsi, ümummilli lider Heydər Əliyevin Prezident Aparatında neft-qaz mövzusunda keçirilən bütün görüşlərin işıqlandırılması üzərində çalışıb, bu mövzuda bir sıra müsahibələr alıb.

    1994-cü ilin payızında ANS şirkətinin nəzdində “ANS – Petroleum” həftəlik informasiya-analitik nəşrini yaradıb və dərc edib.

    1997-ci ildə "Azer-press"də işə başlayıb, orada “Azer-Press Oil & Gas” analoji neft-qaz həftəliyini yaradaraq, kommersiya əsasına keçirib, paralel olaraq neft-qaz sahəsində informasiyanın hazırlanması ilə məşğul olub.

    1999-cu ilin aprel ayından bu günə qədər "Caspian Energy" Beynəlxalq Media qrupunun baş redaktoru vəzifəsində çalışır.

    Enerji şirkətlərinin rəhbərləri və dövlət nazirləri ilə yanaşı, Aİ, ABŞ, Çin, Rusiya, Asiya-Sakit okean və MENA (Middle East North Africa) regionu ölkələrinin dövlət və hökumət başçıları ilə müsahibələr hazırlayıb.

    Bir sıra yerli və beynəlxalq internet layihələrinin, elektron və çap KİV-lərinin yaradıcısı və rəhbəridir.

    Ailəlidir, iki oğlan övladı var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi