Bakı. 17 yanvar. REPORT.AZ/ Ötən il Azərbaycanın magistral neft kəmərləri ilə 42,727 mln. ton neft nəql edilib.
“Report” Dövlət Statistika Komitəsinə istinadən xəbər verir ki, nəqletmənin 79%-i Bakı-Tbilisi-Ceyhan (BTC) neft ixrac kəməri ilə həyata keçirilib.
Ötən il magistral neft kəmərləri ilə nəqletmənin həcmi 2016-cı ildən 3% azdır.
Hesabat ili ərzində bu kəmər vasitəsilə 33,755 mln. ton neft ötürülüb ki, bu da əvvəlki ildən 0.52% azdır. Keçən il BTC kəməri ilə 6 432,4 min ton tranzit nefti də nəql edilib və bu, 2016-cı ildən 36% çoxdur.