“Brent” markalı neftin qiyməti 84 ABŞ dollarını ötüb

“Brent” markalı neftin bir barelinin qiyməti 2018-ci il oktyabrın 10-dan sonra ilk dəfə olaraq 84 ABŞ dollarını ötüb.

“Report” “Prime” agentliyinə istinadən xəbər verir ki, dünya bazarlarında “qara qızıl”ın qiymətinin artım tempi 2-2,5%-dək artıb.

Belə ki, Şimal dənizində hasil olunan “Brent” neftinin dekabr fyuçersləri 2,03% bahalaşaraq, 1 bareli 84,06 ABŞ dollarına satılıb. WTI neftinin noyabr fyuçerslərinin qiyməti isə 2,53% bahalaşaraq, 1 bareli 81,36 ABŞ dolları təşkil edib.