“Brent” markalı neft 45 dollar həddini keçdi

Bu gün Londonun “İCE Futures” birjasında keçirilən hərrac zamanı Bakı vaxtı ilə saat 13.47-də “Brent” markalı neftin yanvar fyüçrsləri 3,49 faiz bahalaşaraq 45,13 ABŞ dollarından satılıb.

“Report” xəbər verir ki, son dəfə sözügedən markalı neft bu məbləğdən sentyabr ayının 2-də satılıb.

Bununla yanaşı, “WTI” markalı neft də 3,53 faiz bahalaşaraq 43,14 dollardan satılıb.

Bakı vaxtı ilə saat 13.58-də isə “Brent” 45 dollardan, “WTI” də 43,01 dollardan satılıb.