Yuxarı
    Bağlamaq

    BƏƏ ilin sonunadək neft ixracını yenidən azaldacaq

    Oktyabr ayında “Murban”, “Das” və “Upper Zakum” markalı neftin tədarükü 10% azaldılacaq© Report

    Bakı. 28 avqust. REPORT.AZ/ Birləşmiş Ərəb Əmirlikləri (BƏƏ) yenidən neft ixracını azaldacağını elan edib. Əbu-Dabi Milli Neft Şirkəti (ADNOC) bu ilin sonuna kimi neft ixracının azaldılacağı barədə müştərilərini xəbərdar edib.

    “Report” “RİA Novosti” agentliyinə istinadən xəbər verir ki, bu barədə BƏƏ-nin energetika naziri Suheyl əl-Mazrui bildirib.

    Onun sözlərinə görə, oktyabr ayında ADNOC “Murban”, “Das” və “Upper Zakum” markalı neftin tədarükünü 10% azaldacaq.

    Ötən ay şirkət müştərilərinə bildirib ki, neft yükləməsi üzrə sentyabr planı 10% azaldılıb.

    Nazir “Twitter” mikro-bloqundakı səhifəsində bildirib ki, BƏƏ-nin OPEC qarşısındakı öhdəliyinə uyğun olaraq ADNOC oktyabrda neft ixracını azaldacağı barədə müştərilərinə məlumat verib: “BƏƏ-nin OPEC üzvlüyü çərçivəsində hasilatın azaldılması öhdəliyinin təsdiqinin əlaməti olaraq ADNOC ilin sonuna qədər aylıq neft tədarükünün aşağı salındığını elan edib”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi