“Azərişıq” daha bir rayonda elektrik enerjisi şəbəkəsini yeniləyir

“Azərişıq” daha bir rayonda elektrik enerjisi şəbəkəsini yeniləyir Bu dəfə rayonun Poylu kəndinin elektrik enerjisi təsərrüfatı yenilənib
Energetika
122
22 Fevral , 2021 18:10
“Azərişıq” daha bir rayonda elektrik enerjisi şəbəkəsini yeniləyir

“Azərişıq” ASC ölkənin hər yerində olduğu kimi Ağstafa rayonunda da elektrik enerjisi şəbəkəsinin yaxşılaşdırılması işlərini həyata keçirir.

“Report”un məlumatına görə, bu dəfə rayonun Poylu kəndinin elektrik enerjisi təsərrüfatı yenilənib.

Sakinlərin müraciətləri nəzərə alınaraq kəndin girişində yerləşən və uzun müddətdir istismar olunan köhnə transformator yenisi ilə əvəz olunub, yeni kabellər çəkilib.

Ağstafa Elektrik Şəbəkənin rəisi Rüfət Həsənov kənd sakinlərinə bildirib ki, rayon elektrik enerjisi şəbəkəsinin yenilənməsi işləri bundan sonra da davam edəcək. Onun sözlərinə görə, bu istehlakçıların dayanıqlı və keyfiyyətli elektrik enerjisi ilə təminatını daha da yaxşılaşdıracaq.

Xatırladaq ki, “Azərişıq” hazırda “Azərişıq Qarabağda” layihəsi çərçivəsində işğaldan azad edilmiş ərazilərdə elektrik enerjisi infrastrukturunu yeniləməkdədir.

Son xəbərlər

Orphus sistemi