“Azəriqaz” rəhbərliyi Masallıda vətəndaşları qəbul edəcək

Azərbaycan Dövlət Neft Şirkətinin (SOCAR) “Azəriqaz” İstehsalat Birliyi rəhbərliyinin Masallı rayonunda vətəndaş qəbulu keçiriləcək.

“Report”un “Azəriqaz”a istinadən verdiyi məlumata görə, iyulun 5-də saat 12:00-da Heydər Əliyev Mərkəzində baş tutacaq görüş zamanı Masallı və Yardımlı rayonlarının sakinlərinin müraciətləri dinləniləcək.

Qurum vətəndaşların diqqətinə çatdırır ki, qəbulda ünvanlanan müraciətlər yalnız "Azəriqaz"ın fəaliyyəti ilə bağlı olmalıdır. Qəbula dair əlavə məlumat almaq istəyənlər Lənkəran Regional qaz istismarı İdarəsinə (tel: 051-792-79-95; 050-329-66-96) müraciət edə bilərlər.