Azərbaycanın Gürcüstana qaz və neft ixracı azalıb

Bu ilin ilk beş ayı ərzində Gürcüstan Azərbaycandan 144,7 mln ABŞ dolları dəyərində 877,2 mln kubmetr təbii qaz idxal edib.

Bu barədə “Report”un yerli bürosuna Gürcüstanın Milli Statistika İdarəsindən bildirilib.

Ötən ilin analoji dövrü ilə müqayisədə Azərbaycandan qonşu ölkəyə təbii qazın ixrac həcmi 47,8 min kubmetr və ya 5,1% azalıb.

Yanvar-may aylarında Gürcüstan Azərbaycandan 17,5 mln ABŞ dolları dəyərində 65,8 min ton neft və neft məhsulları tədarük edib. İllik müqayisədə məhsulların həcmində 11,50 min ton və yaxud 14,8% azalma olub.