Azərbaycanın əsas tədarük bazarından “Super” benzin idxalı kəskin azalıb

Bu ilin yanvar-may aylarında Azərbaycana 557,23 min ABŞ dolları dəyərində 508,92 ton "Aİ-98" ("Super") markalı avtomobil benzini gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 42,5 %, kəmiyyət ifadəsində isə 2,4 dəfə azdır.

Hesabat dövründə Rumıniyadan 292,62 min ABŞ dolları dəyərində (bir il əvvəlki göstərici ilə müqayisədə 2,6 dəfə azalıb) 267,29 ton (-3,7 dəfə), Belarusdan 264,6 min ABŞ dolları dəyərində (+35,2 %) 241,63 ton (+2,1 %) məhsul idxal edilib.

Ötən il Azərbaycanın idxal etdiyi 2 min 684 ton "Aİ-98" markalı benzinin 49,4 %-i Rumıniyanın, 38 %-i Litvanın, 8,8 %-i Belarusun 3,8 %-i Yunanıstanın payına düşüb.