Azərbaycanda etilen, propilen və polietilen istehsalının həcmi açıqlanıb

Bu ilin yanvar-aprel aylarında Azərbaycanda 53,1 min ton həcmində etilen istehsal edilib.

“Report” Dövlət Statistika Komitəsinə istinadən xəbər veri ki, ölkədə etilen istehsalı 2024-cü ilin eyni dövrü ilə müqayisədə 5,9 % azalıb.

Bu il mayın 1-nə 1,2 min ton hazır etilen məhsulu qalığı yaranıb.

Hesabat dövründə Azərbaycanda 51 min ton həcmində polietilen, 46 min ton propilen istehsal edilib. İl ərzində polietilen və propilen istehsalı müvafiq olaraq 6,4 % və 13,7 % azalıb.

Mayın 1-nə ölkədə 1,2 min ton hazır polietilen və 0,9 min ton propilen məhsullarının qalığı yaranıb.