Azərbaycanda əmtəəlik qaz hasilatı təxminən 4 % artıb

Bu ilin yanvar-oktyabr aylarında Azərbaycanda 39 milyard 745,8 milyon kubmetr təbii qaz hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 29 milyard 711,1 milyon kubmetri əmtəəlik təbii qazın payına düşüb.

Ötən ilin eyni dövrü ilə müqayisədə təbii qaz hasilatı 3,4 %, əmtəəlik qaz hasilatı isə 3,6 % artıb.

10 ay ərzində Azərbaycanda 25 milyon 068,2 min ton qaz kondensatı daxil olmaqla xam neft hasil edilib. Bunun 24 milyon 974,4 min tonu əmtəəlik xam neftin payına düşüb.

1 il əvvələ nisbətən neft hasilatı 8 %, əmtəəlik neft hasilatı isə 8,1 % azalıb.