Azərbaycanda 4 elektrik yarımstansiyası yenidən qurulacaq

"Azərenerji" ASC 110/35/6 kV-luq “Salyan” (Lot - 1), 110/35/10 kV-luq “Yevlax” (Lot - 2), 110/35/10 kV-luq “Ucar” (LOT - 3) və 110/35/10 kV-luq “Masallı” (4) yarımstansiyalarnın yenidən qurulması və istismara verilməsi ilə bağlı açıq tender elan edib.

"Report" xəbər verir ki, hər lot üzrə iştirak haqqı 2 000 manatdır.

Tenderdə iştirak etmək istəyənlər ilkin sənədləri noyabrın 17-nə qədər, tender təklifi və onun dəyərinin 1%-i qədər bank təminatını isə noyabrın 25-nə qədər Bakı şəhəri, Səbail rayonu, Əbdülkərim Əlizadə küçəsi, 10 ünvanına təqdim edə bilərlər.

Təkliflərə onlayn formatda, noyabrın 26-da, saat 15:00-da baxılacaq. İddiaçıların səlahiyyətli nümayəndələri qiymətləndirmədə iştirak edə bilərlər.