Azərbaycan neftinin qiyməti 15 dollara düşüb

Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 5,49 ABŞ dolları, yaxud 25,78% azalıb. 

"Report" xəbər verir ki, “Azeri Light” markalı neftin bir barelinin qiyməti 15,81 ABŞ dolları təşkil edib.

Xatırladaq ki, bundan öncə "Azeri LT CIF" neftinin aşağı qiyməti aprelin 1-də (16,53 ABŞ dolları) qeydə alınmışdı. Azərbaycan neftinin maksimal qiyməti isə 2008-ci ilin iyulunda (149,66 ABŞ dolları) qeydə alınıb.