Azərbaycan metanol istehsalını 40 % azaldıb

Bu ilin yanvar-avqust aylarında Azərbaycanda 197,2 min ton metanol (metil spirti) istehsal olunub.

“Report”un Dövlət Statistika Komitəsinə istinadən verdiyi xəbərə görə, bu, ötən ilin eyni dövrü ilə müqayisədə 39,7 % azdır.

Bu ilin sentyabrın 1-nə 31,9 min ton hazır məhsul istehsalı yaranıb.

Metanol Dövlət Neft Şirkətinin (SOCAR) Bakının Qaradağ rayonundakı Metanol Zavodunda istehsal edilir. Zavod 2013-cü ildə istismara verilib, 2016-cı ildən SOCAR-ın törəmə müəssisəsi olan “SOCAR Methanol” MMC-nin idarəçiliyi altında fəaliyyət göstərir, 2017-ci ilin avqust ayından isə şirkətin mülkiyyətinə keçib. Müəssisə illik 650-700 min ton metanol istehsal etmək gücünə malikdir. İstehsalatda xammal olaraq təbii qaz və duzlaşdırılmış su istifadə olunur.