Azərbaycan karbamid ixracından qazancını 71 %-dən çox artırıb

Bu ilin yanvar-fevral aylarında Azərbaycan xarici ölkələrə 36 milyon ABŞ dolları dəyərində karbamid ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın mart sayında bildirilir.

Bu, 2024-cü ilin ilk iki ayının göstəricisi ilə müqayisədə 15 milyon ABŞ dolları və ya 71,4 % çoxdur.

Təkcə fevral ayında isə Azərbaycandan 15 milyon ABŞ dolları dəyərində karbamid ixrac edilib ki, bu da bir il öncəki göstəricidən 4,4 milyon ABŞ dolları və ya 41,5 % çoxdur.

Hesabat dövründə Azərbaycanın qeyri-neft-qaz sektoru üzrə ixracının dəyəri ötən ilin yanvar-fevral ayları ilə müqayisədə 6,6 % artaraq 485 milyon ABŞ dolları təşkil edib.