Yuxarı

Azərbaycan İran və İraq qazının TANAP-a qoşulması imkanlarına baxır

Natiq Abbasov: İraq qazı İrana, buradan isə Azərbaycan ərazisinə nəql oluna bilər

 Bakı. 29 avqust. REPORT.AZ/ Rəsmi Bakı İraq və İran qazının Azərbaycan ərazisi ilə nəql olunaraq Türkiyədə TANAP kəmərinə qoşulmaqla Avropaya nəqlini istisna etmir. "Report" xəbər verir ki, bunu Azərbaycanın energetika nazirinin müavini Natiq Abbasov bildirib. 

"Azərbaycan TANAP-ın əsas təşəbbüskarlarındandır. İran qazının Azərbaycan ərazisi ilə nəql olunaraq Türkiyədə TANAP-a qoşulub, buradan Avropaya nəqli imkanlarına baxılır", - deyə nazir müavini qeyd edib. 

N.Abbasov əlavə edib ki, Azərbaycan və İran arasında İran qazının, hətta İraq qazının Azərbaycan ərazisindən tranziti üçün mövcud infrastruktur var. "İraqla İran arasında da belə infrastruktur var. Bu infrastrukturla İraq qazı İrana, buradan isə Azərbaycan ərazisinə nəql oluna və Türkiyədə TANAP-a qoşulmaqla Avropaya nəql oluna bilər", - deyə nazir müavini vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi