Yuxarı
    Bağlamaq

    ​Azərbaycan hər il İtaliyaya 7 mlrd. avroluq neft ixrac edir

    İtaliyanın SACE şirkəti Azərbaycan bazarına maraq göstərir

    Bakı. 6 noyabr. REPORT.AZ/ Azərbaycan hər il İtaliyaya orta hesabla 7 mlrd. avro dəyərində neft və neft məhsulları ixrac edir. İtaliyadan Azərbaycana isə 750 mln. avroluq avadanlıq ixrac olunur. Bunu II ARDNŞ Neft-Qaz Emalı və Neft-Kimya Kompleksi Forumunda çıxış edən İtaliyanın SACE şirkətinin Moskva ofisinin rəhbəri Dmitri Prozorov deyib.

    D.Prozorovun sözlərinə görə, İtaliya şirkətinin əsas məqsədi bu rəqəmlər arasındakı uyğunsuzluğu aradan qaldırmaqdır: “Biz İtaliya şirkətiyik və İtaliya hökuməti tərəfindən dəstəklənirik. Hazırda bir çox ölkələrdə, o cümlədən, Rusiya, Türkiyə və Bolqarıstanda layihələr realaşdırırıq. Məsələn, Türkiyədə “Star Refine” neft emalı zavodunun inşası layihəsi həyata keçirilir. Bu layihənin dəyəri təxminən 5 mlrd. dollar təşkil edir və bu layihənin əsas dəstəkçisi Azərbaycan Dövlət Neft Şirkətidir. Bizim buradakı payımız isə təxminən 1 mlrd. dollara yaxındır”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi