Azərbaycan sentyabrda gündəlik neft hasilatı kvotasını yerinə yetirilmə səviyyəsini açıqlayıb

Bu ilin sentyabr ayında Azərbaycanda gündəlik neft (kondensatla birlikdə) hasilatı 654 min barel olub.

Bu barədə “Report”a Energetika Nazirliyindən məlumat verilib.

Bildirilib ki, bunun 543 min barelini xam neft, 111 min barelini isə kondensat təşkil edib.

Qeyd edək ki, “OPEC plus” razılaşması 2022-ci ilin noyabrından etibarən ölkəmizdə gündəlik xam neft hasilatının avqust ayındakı səviyyədən, yəni 717 min bareldən azaldılaraq 684 min barel həcmində saxlanılmasını nəzərdə tutur.