Yuxarı
    Bağlamaq

    Azərbaycanın energetika naziri OPEC-in Vyana toplantısında iştirak edəcək

    Məlumata görə, görüş zamanı rəsmilər hasilatın azaldılması ilə bağlı məsələləri müzakirə edəcəklər

    Bakı. 5 dekabr. REPORT.AZ/ Azərbaycanın energetika naziri Natiq Əliyev Vyanada (Avstriya) keçiriləcək Neft İxrac edən Ölkələr Təşkilatı (OPEC) və digər neft hasil edən ölkələrin konfransına dəvət alıb. 

    “Report” xəbər verir ki, görüş zamanı rəsmilər hasilatın azaldılması ilə bağlı məsələləri müzakirə edəcəklər.

    Nazirlikdən “Report”un sorğusuna cavab olaraq bildirilib ki, N.Əliyev tədbirdə iştirak edəcək: "Dövlət başçısının razılığı ilə Azərbaycan bu görüşü dünya bazarında neftin qiymətinin sabitləşməsi üçün vacib hesab edərək, toplantıda iştiraka qərar verib. Azərbaycan dünya neft bazarında tarazlığın və neftin qiymətinin artmasının təmin edilməsi məqsədilə aparılan məsləhətləşmələrdə yaxından iştirak edib, o cümlədən Rusiyanın energetika naziri Aleksandr Novakla Azərbaycanın energetika naziri Natiq Əliyev arasında telefon danışıqları olub və rəsmi Bakı bu prosesə dəstəyini nümayiş etdirib. Ümid edirik ki, OPEC və qeyri-OPEC ölkələrinin bu görüşü də əhəmiyyətli olacaq".

    Xatırladaq ki, daha əvvəl görüşün Moskvada (Rusiya) baş tutacağı bildirilsə də, sonradan planlar dəyişib. Daha əvvəl isə görüşün dekabrın 9-da Dohada (Qətər) keçiriləcəyi ilə bağlı xəbər yayılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi