Azərbaycan əmtəəlik qaz hasilatını 12 % artırıb

Bu ilin yanvar-mart ayları ərzində Azərbaycanda 8 mln 816,4 min ton qaz kondensatı daxil olmaqla xam neft hasil edilib.

“Report”un Dövlət Statistika Komitəsinə istinadən verdiyi xəbərə görə, bu həcmin 8 mln 799,5 min tonu əmtəəlik xam neftin payına düşüb.

Hesabat dövründə neft hasilatı ötən ilin müvafiq dövründən 5,2 %, (əmtəəlik 5,3 %) az olub.

Bu ilin ilk üç ayında ölkədə 10 mlrd 563,4 mln kubmetr təbii qaz hasil edilib. Bu həcmin 7 mlrd 803,7 mln kubmetri əmtəəlik təbii qazın payına düşüb. Bu ilin yanvar-mart aylarında təbii qaz hasilatı illik müqayisədə 5,7 %, əmtəəlik qaz hasilatı isə 12 % artıb.