Azərbaycan əmtəəlik propilen istehsalını 4%-dək azaldıb

Bu ilin yanvar-aprel ayları ərzində Azərbaycanda 45,2 min ton həcmində propilen, 52,4 min ton həcmində polietilen, 52,7 min ton həcmində etilen istehsal edilib.

“Report”un Dövlət Statistika Komitəsinə istinadən verdiyi xəbərə görə, propilen istehsalının 42,1 min tonu əmtəəlik məhsulun payına düşüb.

Hesabat dövründə propilen istehsalı 0,9% artıb, əmtəəlik propilen istehsalı 3,7% azalıb.

Bu ilin yanvar-aprel ayları ərzində ölkədə etilen və polietilen istehsalı isə müvafiq olaraq 8,7% və 8,4% azalıb.