Azərbaycan “AI-92” markalı benzinin idxalını 20 % azaldıb

Bu ilin yanvar-avqust aylarında Azərbaycan 46 min 927,48 ton “AI-92” markalı avtomobil benzini idxal edib.

Bu barədə “Report” Dövlət Statistika Komitəsinə istinadən xəbər verir.

Bu göstərici 2023-cü ilin eyni dövrü ilə müqayisədə 20 % azdır.

Məlumata görə, bu dövrdə idxal olunan benzinin dəyəri 38 milyon 501,97 min ABŞ dolları (28,9 % az) təşkil edib.

İdxalın strukturunda Azərbaycan Rusiyadan 33 milyon 198,44 min ABŞ dolları (2,8 dəfə çox) dəyərində 41 min 793,38 min ton (2,8 dəfə az) və Bolqarıstandan (2023-cü ilin 8 ayında tədarük edilməyib) 5 milyon 303,53 min ABŞ dolları dəyərində 5 min 134,11 ton benzin alıb.

Hesabat dövründə Azərbaycana tədarük olunan “AI-92” benzinində Rusiyanın payı 82 % təşkil edib.

Azərbaycanda "AI-92" markalı avtomobil benzini Heydər Əliyev adına Bakı Neft Emalı Zavodunda istehsal olunur.