Atsuko Hiroşe: “Ədalətli enerji keçidi üçün böyük investisiyalar lazımdır”

Ədalətli enerji keçidini təmin etmək üçün böyük investisiyalara ehtiyac var.

“Report” xəbər verir ki, bunu Beynəlxalq Enerji Xartiyasının Baş katibi vəzifəsini icra edən Atsuko Hiroşe bu gün işə başlamış Bakı Enerji Forumunun I günündə bildirib.

Onun sözlərinə görə, ədalətli enerji keçidi iqlim dəyişikliyi ilə mübarizə aparmaq üçün vacibdir: “Bu enerji keçidini təmin etmək üçün təkcə hökumətlər və təşkilatlar tərəfindən maliyyələşmə kifayət deyil, böyük investisiyalara ehtiyac var”.

“Beynəlxalq Enerji Xartiyası uzunmüddətli enerji əməkdaşlığı sahəsində çalışan yeganə təşkilatdır”, - o bildirib.

A.Hiroşe vurğulayıb ki, investisiyaların səfərbər edilməsi üçün gəlirlərin proqnozlaşdırıla bilən olması lazımdır.