Yuxarı
    Bağlamaq

    ​ARDNŞ prezidenti Rövnəq Abdullayev: “Yeni neftayırma zavodunun tikinti meydançası hazırdır”

    Bu zavodun tikintisinin zəruriliyi neft məhsullarına tələbatın artması ilə əlaqədardır

    Bakı. 5 noyabr. REPORT.AZ/ Yeni Neft-qaz emalı və Neft-kimya Kompleksinin (OGPC) tikintisi layihəsi çərçivəsində neftayırma zavodunun inşası Azərbaycan üçün ən vacib layihələrdən sayılır. "Report"un məlumatına görə, bunu Azəbaycan Dövlət Neft Şirkətinin (ARDNŞ) prezidenti Rövnəq Abdullayev bu gün Bakıda işə başlayan II ARDNŞ-nin Neft-qaz emalı və Neft-kimya Kompleksi Forumunda çıxış edərkən bildirib.

    "Bu zavodun tikintisinin zəruriliyi Azərbaycanda neft məhsullarına tələbatın ilbəil artması ilə əlaqədardır", - deyə R.Abdullayev qeyd edib.

    ARDNŞ rəhbəri vurğulayıb ki, 2012-ci ildə keçirilmiş ilk analoji forum əməkdaşlığın genişləndirilməsi üçün təkan olub: "Ötən dövrdə layihənin texniki-iqtisadi əsaslandırılması hazırlanıb, həmçinin H.Əliyev adına Neftayırma Zavodunun yenidən qurulmasına qərar verilib. Hazırda yeni neftayırma zavodunun inşası üçün tikinti meydançası hazırdır. Ümid edirəm ki, bu forum yeni ideyaların çoxluğu ilə yadda qalacaq və gələcək əməkdaşlıq üçün yeni imkanlar açacaq”.

    Xatırladaq ki, II ARDNŞ-nin Neft-qaz emalı və Neft-kimya Kompleksi Forumu iki gün davam edəcək. Tədbirdə müxtəlif ölkələrdən 500-ə yaxın nümayəndə iştirak edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi