Ağstafa rayonunun Sadıqlı kəndinə qaz verilib

Ağstafa rayonunun Sadıqlı kəndinə qaz verilib Hazırda rayonun Böyük Kəsik və Ağgöl kəndlərində tikinti-quraşdırma işləri davam etdirilir
Energetika
134
5 İyul , 2017 14:52
Ağstafa rayonunun Sadıqlı kəndinə qaz verilib

Bakı. 5 iyul. REPORT.AZ/ Bu gün Ağstafa rayonunun Sadıqlı kəndinə təbii qazın verilməsi münasibətilə tədbir keçirilib.

“Report” “Azəriqaz” İstehsalat Birliyinə istinadən xəbər verir ki, tədbirdə rayon İcra Hakimiyyətinin və “Azəriqaz”ın təmsilçiləri, ictimaiyyət nümayəndələri iştirak ediblər. Bildirilib ki, 619 abonenti olan kəndin yenidən qazlaşdırılması üçün birpilləli sistem əsasında ümumi uzunluğu 3 213 metr müxtəlif diametrli polietilen və ümumi uzunluğu 38 268 metr müxtəlif diametrli metal borularla daşıyıcı və məhəllədaxili qaz xətləri çəkilib, mənzillərə sayğac və fərdi tənzimləyici quraşdırılıb.

Hazırda Ağstafa rayonunun Böyük Kəsik və Ağgöl kəndlərində tikinti-quraşdırma işləri davam etdirilir. Yaxın günlərdə tikintisi başa çatmış yaşayış məntəqələrinə ardıcıllıqla təbii qazın verilişi təmin ediləcək.  

Son xəbərlər

Orphus sistemi