Yuxarı
    Bağlamaq

    ABŞ şirkəti TAP-ın tikintisi ilə bağlı məsləhət xidmətləri göstərəcək

    Hill International və Technipetrol Hellas arasında müqavilə imzalanıb

    Bakı. 30 mart. REPORT.AZ/ Tikintidə risklərin idarə edilməsi üzrə böyük şirkətlərdən olan "Hill International" "Technip S.A" şirkətinin filialı olan "Technipetrol Hellas S.A" şirkəti ilə Trans-Adriatik Boru Kəmərinin (TAP) tikintisi ilə bağlı layihə idarə olunmasına dəstək xidmətinin göstərilməsi üçün müqavilə imzalayıb.

    "Report" xəbər verir ki, bu barədə "Hill International" şirkəti məlumat yayıb.

    Şirkətin baş əməliyyat direktoru Rauf S.Gali (Raouf S.Ghali) bildirib ki, bu layihə enerji təchizatı və ümumilikdə Cənubi Avropanın iqtisadiyyatına böyük təsiri olan layihədir: "Hill" şirkəti "Technip"ə bu vacib layihədə kömək etməkdən məmnundur".

    Qeyd edək ki, ABŞ-ın "Hill International" şirkəti proqram idarəçiliyi, layihə idarəçiliyi, tikinti idarəçiliyi və digər sahələrdə məsləhət xidmətləri göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi