ABŞ-da qazma qurğularının sayı artaraq 593 ədədə çatıb

Bakı. 23 noyabr. REPORT.AZ/ Noyabrın 18-dən 23-dək Birləşmiş Ştatlarda qazma qurğularının sayı 5 ədəd artaraq 593-ə çatıb.

"Report" xəbər verir ki, bu barədə "Baker Hughes" məlumat yayıb.

Neft buruqlarının sayı 3 (474), qaz buruqlarınınkı isə 1 ədəd (118) artıb. Digər buruqların sayı 1 ədəd səviyyəsində qalıb.

Kanadada qazma qurğularının sayı 10 ədəd, eləcə də neft buruqlarının sayı 6 (94), qaz buruqlarınınkı da 6 (94) ədəd azalıb. Digər təyinatlı buruqların sayı 2 ədəd artıb.