ABŞ “Brent” markalı neftin qiymətinə dair proqnozunu yenilədi

ABŞ Energetika Nazirliyi 2021-ci ildə “Brent” markalı neftin dəyər proqnozunu bir barel üçün 62,3 ABŞ dollarından 65,2 ABŞ dollarına qədər artırıb.

“Report” xəbər verir ki, bu barədə ABŞ Energetika Nazirliyinin Enerji İnformasiya Agentliyinin (EIA) hesabatında deyilir.

Agentlik “Brent” markalı neftin qiymətinin üçüncü rübdə 68 dollar/barel təşkil edəcəyini, 2022-ci ildə isə qiymətin orta hesabla bir barel üçün 60,5 60,5 ABŞ dolları səviyyəsində olacaq.

WTI markalı neftin qiyməti isə 2021-ci ildə bir barel üçün 61,9 ABŞ dolları, 2022-ci ildə isə 56,7 ABŞ dolları səviyyəsində proqnozlaşdırılır.