Yuxarı
    Bağlamaq

    AMEA-nın 121 əməkdaşına “Əmək veteranı” adı və vəsiqəsi veriləcək

    “Əmək veteranı” adının və vəsiqəsinin verilməsi üçün komissiyanın iclası keçirilib

    Bakı. 3 dekabr. REPORT.AZ/ Azərbaycan Milli Elmlər Akademiyasının vitse-prezidenti, Birləşmiş Veteranlar Şurasının (BVŞ) kuratoru, akademik Akif Hacıyevin rəhbərliyi ilə AMEA elmi müəssisə və təşkilatlarda çalışan veteranlara “Əmək veteranı” adının və vəsiqəsinin verilməsi ilə əlaqədar komissiyanın iclası keçirilib. "Report" xəbər verir ki, tədbirdə AMEA İşlər İdarəsinin müdiri, komissiyanın üzvü Fətəli Abdullayev, AMEA Birləşmiş Veteranlar Şurasının sədr müavini, komissiyanın üzvü Eldar Quliyev, AMEA Rəyasət Heyəti Mərkəzi Aparatının II xüsusi şöbəsinin baş mütəxəssisi, komissiyanın katibi Tamilla Nağıyeva iştirak ediblər.

    II xüsusi şöbənin rəisi E.Quliyev şuraya 12 təşkilatdan 121 sənədin daxil olduğunu bildirib. Onun sözlərinə görə, bu sənədlər komissiyanın iclasına qədər araşdırılıb, hər bir əməkdaşın sənədinə baxılaraq komissiya üzvlərinə təqdim edilib.

    Akademik Akif Hacıyev şuraya daxil olan 121 sənədin müvafiq qaydaya uyğun olduğunu bildirib.

    Sonda elmi müəssisə və təşkilatlardan daxil olan 121 əməkdaşın sənədləri məqbul hesab edilərək onlara “Əmək veteranı” adının və əmək veteranı vəsiqəsinin verilməsi qərara alınıb.

    Tədbirdə “Əmək veteranı” adını almış əməkdaşlara əmək veteranı vəsiqəsinin verilməsinin elmi müəssisə və təşkilatların rəhbərləri tərəfindən təntənəli şəraitdə təqdim olunması tövsiyə edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi