Təhsil naziri: "AMEA-nın təhsillə bağlı irəli sürdüyü bütün təşəbbüslərini dəstəkləyirik"

Bakı. 12 fevral. REPORT.AZ/ "Təhsil Nazirliyi AMEA-nın təhsillə bağlı irəli sürdüyü bütün təşəbbüslərini dəstəkləyir. Buna bariz nümunə kimi, Bakı şəhərində yerləşən ümumtəhsil məktəblərindən birinin Akademiyanın baza məktəbi kimi fəaliyyət göstərməsi ilə bağlı qərar qəbul edilməsini misal göstərə bilərəm".

"Report" xəbər verir ki, bu fikirləri təhsil naziri Mikayıl Cabbarov "Sabahın alimləri" müsabiqəsinin açılış mərasimində çıxışı zamanı səsləndirib.

Nazir bildirib ki, AMEA-nın elmi-tədqiqat institutlarında magistraturanın təsis edilməsi barədə təşəbbüsü müsbət qarşılanıb və nazirlik tərəfindən buna müsbət rəy verilib: "Əminik ki, bu yaxınlarda əməkdaşlığın yaxşı nəticəsini görəcəyik".