DİM sədri koronavirusa yoluxmuş abituriyentlərə xəbərdarlıq edib

"Koronavirusla əlaqəli nəticəsi pozitiv olan şəxslər imtahanlara buraxılmayacaq".

"Report" xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə keçirdiyi mətbuat konfransında deyib.

Onun sözlərinə görə, virusa yoluxan şəxslərin məlumatları sistem üzərindən yoxlanılacaq: "Üzrlü səbəblərdən imtahanda iştirak edə bilməyənlər üçün sentyabr ayında buraxılış imtahanları təşkil olunacaq. Həmin şəxslərə yenidən imtahanda iştirak etmək şansı yaradılacaq".