Nəzakət Mehdiyeva: "Hazırda müəllimlərin dil qaydalarını tədris etməklə bağlı problemləri yoxdur"

“Hazırda ümumtəhsil müəssisələrində çalışan müəllimlərin dil qaydalarını tədris etməklə bağlı problemləri yoxdur”.

“Report” xəbər verir ki, bunu Təhsil İnstitutunun Metodik Dəstək və Peşəkar İnkişaf Mərkəzinin direktoru Nəzakət Mehdiyeva deyib.

Onun sözlərinə görə, müəllimlər uzun illərdir dil qaydalarının tədrisi ilə bağlı təcrübə toplayıblar: "Hətta bu gün də onların oxuyub-anlama prosesinin öyrədilməsi ilə əlaqəli fəaliyyətə cəlb olunması bizim üçün bir qədər çətinlik törədir. Nə qədər çox təlimlər keçilsə də, müəllimlərimiz daha çox qrammatik qaydaların tədbiqi ilə bağlı prosesə üstünlük verirlər".