Super Ay hadisəsi müşahidə olunub

Bu gün Super Ay hadisəsi müşahidə olunub. Bu, 2022-ci ilin 2-ci Super Ayıdır. 1-ci Super Ay iyun ayının 14-də baş verib, bu zaman Aya qədər məsafə 357433 km olub.

Bakı Dövlət Universitetindən "Report"a verilən məlumata görə, bu gün həmçinin Ayla əlaqəli iki mühüm astronomik hadisə baş verib: bu, perigey və tam Aydır.

Perigey Bakı vaxtı ilə saat 13:09-da baş verib. Ay Yerə 357 263 km-ə qədər yaxınlaşıb və Ayın görünən diametri 33 dəqiqə 27 saniyə olub. Tam (Dolu) Ay Bakı vaxtı ilə saat 22:38-də görünüb. Super Ay hadisəsini bütün gecə ərzində Azərbaycan ərazisindən müşahidə etmək mümkün olacaq.

Qeyd edək ki, son nəhəng Super Ay 2016-cı il noyabrın 14-də saat 16:54-də baş verib. Bu zaman Aya qədər məsafə 356 511 km olub. Bundan sonra növbəti dəfə nəhəng Super Ay 28 ildən sonra təkrarlanacaq. Ayın Yerə ən çox yaxınlaşması axırıncı dəfə 1948-ci ildə olub. Həmin vaxt Aya qədər məsafə 356 461 km təşkil edib.

Bu gün Super Ay müşahidə olunacaq.

"Report" xəbər verir ki, bu, 2022-ci ilin 2-ci Super Ayı olacaq.

Bakı Dövlət Universitetinin (BDU) Astrofizika kafedrasının məlumatına görə, bu gün həmçinin Ayla əlaqəli iki mühüm astronomik hadisə baş verəcək: bu, perigey və Tam Aydır.

Perigey iyulun 13-də Bakı vaxtı ilə saat 13:09-da baş verəcək. Ay Yerə 357263 km-ə qədər yaxınlaşacaq və Ayın görünən diametri 33 dəqiqə 27 saniyə olacaq. Tam (Dolu) Ay həmin gün Bakı vaxtı ilə saat 22:38-də görünəcək. Super Ay hadisəsini bütün gecə ərzində Azərbaycan ərazisindən müşahidə etmək mümkün olacaq.

Dolu (bədirlənmiş) Ay təbii peykimizin perigeydə olmasına təsadüf edirsə, bu zaman Super Ay hadisəsi baş verir. Perigey Ayın orbitində planetə minimum məsafədə yaxınlaşdığı andakı nöqtədir. Bu, Ayın planetimizin ətrafında fırlandığı elliptik orbitlə bağlıdır. Bu hadisə sayəsində Yerdən Ay diskini adi haldan daha böyük ölçüdə görə bilirik.
Super Ay Tam ayın Yerə 362000 km-dən daha yaxın məsafədə yaxınlaşdığı və perigey və Dolu (Tam) Ayın keçid anları arasında müddət 3 gündən az olduqda baş verir. Bu iki anın (perigey və Tam Ay) üst-üstə düşmələri hər il təsadüf edir. İldə 12 və ya 13 Tam Aydan 3-ü və ya 4-ü Super Ay kimi müşahidə oluna bilər. Lakin perigey və Tam Ayın baş vermə anları arasında fərqin 9 saatdan az olması nadir haldır.

13 iyul 2022-ci ildə perigey ilə Tam Ay arasındakı fərq 9,5 saat olacaq. Bu, adi Super Ay hadisəsi sayılacaq.
Son nəhəng Super Ay 2016-cı il noyabrın 14-də saat 16:54-də baş vermişdi. Bu zaman Aya qədər məsafə 356511 km olub. Bundan sonra növbəti dəfə nəhəng Super Ay 28 ildən sonra təkrarlanacaq.

Ayın Yerə ən çox yaxınlaşması axırıncı dəfə 1948-ci ildə olub. Həmin vaxt Aya qədər məsafə 356461 km təşkil edib.

Qeyd edək ki, 1-ci Super Ay iyun ayının 14-də baş vermişdi, bu zaman Aya qədər məsafə 357433 km olub.