Ali təhsilin doktorantura səviyyəsinə yeni ixtisas əlavə olunub

Bakı. 12 sentyabr. REPORT.AZ/ Nazirlər Kabineti “Ali təhsilin doktorantura səviyyəsi üzrə ixtisasların Təsnifatı”nda dəyişiklik edib.

“Report” xəbər verir ki, bu barədə qərarı Baş nazir Novruz Məmmədov imzalayıb.

Qərara görə, “Ali təhsilin doktorantura səviyyəsi üzrə ixtisasların Təsnifatı”nın “Sosiologiya” bölməsinə “Sosial struktur, sosial institutlar və proseslər” ixtisasından sonra “Sosial iş” ixtisası əlavə edilib.