Bakıda bu gün aylıq normanın 30% həcmində yağış yağıb - YENİLƏNİB-2

Bakıda və Abşeron yarımadasının bəzi ərazilərində oktyabrın 28-i günün birinci yarısında qısamüddətli leysan xarakterli yağış yağıb.

"Report" xəbər verir ki, bunu Milli Hidrometeorologiya Xidmətinin rəsmisi Gülnarə Abbasova bildirib.

O qeyd edib ki, yağıntının miqdarı 9 mm qeydə alınıb. Düşən yağıntı aylıq normanın 30 %-ni təşkil edir.

G.Abbasova məlumat verib ki, Bakıda və Abşeron yarımadasında yağış kəsilsə də, günün ikinci yarısınadək bəzi ərazilərdə fasilələrlə davam edəcəyi gözlənilir.

Bakıda və Abşeron yarımadasında oktyabrın 28-i günün birinci yarısında arabir yağış yağıb.

Bu barədə “Report”a Milli Hidrometeorologiya Xidmətindən bildirilib.

Bildirilib ki, yarımadanın bəzi yerlərində leysan xarakterli olub.

Hazırda Bakıda və Abşeron yarımadasında arabir yağış yağır.

Milli Hidrometeorologiya Xidmətinin rəisi Nazim Mahmudovun "Report"a verdiyi məlumata görə, yarımadanın bəzi yerlərində qısamüddətli leysan xarakterlidir.

O qeyd edib ki, yağışın günün ikinci yarısından tədricən kəsiləcəyi gözlənilir. Havanın temperaturu Bakıda və Abşeron yarımadasında 12-14 dərəcə isti təşkil edir.