Şöbə müdiri: "Mayın sonuna qədər çaylarda sululuğun artması gözlənilir"

“Ötən gün aparılan monitorinqin nəticəsinə görə, Qıraqkəsəmən məntəqəsində suyun kəmiyyət göstəricisi 135 kubmetr saniyə olub və bu bizi qane etmir. Çünki bu aşağı göstəricidir".

“Report” xəbər verir ki, bunu Ekologiya və Təbii Sərvətlər Nazirliyinin Su ehtiyatlarının idarə edilməsi şöbəsinin müdiri Mütəllim Əbdülhəsənov “Ekspert saatı”nda deyib.

Şöbə müdiri qeyd edib ki, mayın sonuna qədər çaylarda sululuğun artması gözlənilir: “Su ilə bağlı məsələ komissiya çərçivəsində müzakirə olunur və ölçmələr Nazirlər Kabinetinə göndərilir”.