Bakı. 25 iyun. REPORT.AZ/ "ABŞ-ın imzaladığı sazişlərdən çıxması yaxşı deyil".
Bunu "Report"a açıqlamasında ətraf mühit üzrə amerikalı ekspert, professor Cefri Frankel deyib.
O, bu barədə ABŞ-ın iqlim dəyişikliyi ilə bağlı Paris sazişindən çıxmasına münasibər bildirərkən danışıb.
"Prezident Donald Tramp hər növ beynəlxalq əməkdaşlığa zərbə vurur. ABŞ-ın sazişdən çıxması pis olacaq, çünki iqlim dəyişikliyi iqtisadiyyat üçün pisdir. Mənim dünyaya ismarıcım bu olacaq: xahiş edirəm, 2,5 il gözləyin ki, biz normal vəziyyətə qayıdaq", - amerikalı professor bildirib.
Qeyd edək ki, ABŞ-ın iqlim dəyişikliyinə dair Paris sazişindən çıxması Prezident D.Tramp seçkiqabağı vədlərindən biridir. Sazişin əsas mahiyyəti qlobal istiləşməni tənzimləməkdir.