EDF: Tullantıların utilizasiyası problemi dünyada çox aktualdır

Tullantıların utilizasiyası bütün dünyada çox aktual problemdir.

“Report” xəbər verir ki, bunu Ətraf Mühitin Mühafizəsi Fondunun (EDF) baş elmi işçisi, professor Stiven Hamburq "Bakı İqlim Fəaliyyəti Həftəsi" çərçivəsində keçirilən "Metanla mübarizədə irəliləyiş: Qlobal miqyasda metanın azaldılmasının irəlilədilməsi" adlı panel sessiyasında deyib.

O qeyd edib ki, dünyada metan konsentrasiyasının normadan dəfələrlə yüksək olduğu çoxlu sayda zibil poliqonu mövcuddur və bu gün əsas vəzifə təhlükəli istixana qazı emissiyalarının aradan qaldırılmasıdır.

"Metanın utilizasiyası asan məsələ deyil, onu dərhal aradan qaldırmaq qeyri-mümkündür. Bu, mürəkkəb texnologiya olsa da, tədricən tətbiq edilməlidir", – S.Hamburq vurğulayıb.