Tanınmış yazıçı Martin Qrey vəfat edib

Bakı. 25 aprel. REPORT.AZ/ Fransanın tanınmış yazıçısı, Xolokost faciəsini yaşayan Martin Qrey 94 yaşında vəfat edib.

"Report" xəbər verir ki, bu barədə məlumatı "Frans-Press" agentliyi yayıb.

Yazıçının meyiti yaşadığı evin hovuzunda aşkar edilib.

İlkin məlumatlara görə, yazıçının ölümündə şübhəli məqamlar yoxdur. Martin Qrey öz əcəli ilə dünyasını dəyişib.

Yazıçının ən məşhur əsəri 1971-ci ildə çapdan çıxan "Özününkülərin adından" ("Au nom de tous les miens" ) əsəri olub.