Azərbaycanda ilk dəfə “Türkiyə ədəbiyyatı antologiyası” çap olunub

Bakı. 31 may. REPORT.AZ/ Nazirlər Kabineti yanında Tərcümə Mərkəzinin yeni nəşri - “Türkiyə ədəbiyyatı antologiyası” (nəsr) işıq üzü görüb.

Mərkəzdən "Report"a verilən məlumata görə, XIX-XX əsr Türkiyə ədəbiyyatının mənzərəsini ilk dəfə küll halında Azərbaycan oxucusuna təqdim edən kitabda əllidən çox tanınmış Türkiyə ədibinin əsərləri yer alıb.

Antologiyanı Azərbaycan dilinə tərcüməçilər Qəmər Alxanova, Kəmalə Ələkbərova və Sənan Nağı çeviriblər. Ön sözün müəllifi Etimad Başkeçid, redaktorlar Yaşar Əliyev və Salam Sarvandır.

Kitab iyunun 5-də Yunus Emre Türk Mədəniyyət Mərkəzində geniş ictimaiyyətə təqdim olunacaq.